قصيدة " سلطانة " - إهداء لتونس
 |
الشاعرة أسماء بنكيران
|
جيتْ نشربْ من ماها
طِيرْ نحلق فْ سماها
سُلطانَة والتسَلطينْ موَاتيهَا
خَمسة وخْميسْ عليها
جَنَّة ومن كفوفهَا فاحت...
ريحة الحَنَّة
الصلاة عَ النبي عليها
جيتْ نسهَرْ ... ونشعَرْ
مع مولاتْ السر... ولبها
نفوز، بْ بوسَة ف خدها
نشّمْ بخورها ... وندها
ونتفجَجْ فْ محاسن قدها
ياللي جيتِ لدربي
قولي ليّا:
سركْ فين مخَبِّي؟
بين التاء والنون؟
طلْ علِيّا ..
فْ رعْشَة العيون
شمسْ ومضوية عَ لكونْ
بينْ الواو والسينْ؟
بان لِيا
فْ حَرف الزينْ
سْما وتقطر نجومْ
من قرطاج ل نهر السين
سلطانَة والتسلطينْ مواتيكْ
خَمسة وخْميسْ عليكْ
جنَّة ومن كفوفكْ فاحتْ...
ريحة الحنَّة
الصلاة ع النبي عليك
ليست هناك تعليقات:
إرسال تعليق