هذا زمان العجب - الشاعرة الزجالة أسماء بنكيران
 |
أسماء بنكيران
|
هذا زمان العجب
مابقا شي يعجب
ماكاين غير راسي ياراسي
كولها يقول ياراسي
كان الزواج ليلو بال وهضرة
دابا تزوج اليوم
طلق غدا
ماتت الأحاسيس
مابقات عشرة
كانو الدراري يسمع الكلمة
تقادو الكتاف
ولينا نردو كلمة بكلمة
مشا الخوف
مابقات حشمة
الخوت مايتشاوف على عام
ويلا سولت
آش كان ماكان
يقولك غير الخدمة
والمقاتلة مع الزمان
مابقات راحة
مابقا هنا
ماكاين غير جري عليا
نجري عليك
فين زمان الخير والبركة
ماكاتسمع غيرالأزمة
وماكاينا حركة
الوقت طاير كيف المنام
والفلوس كادوب حمام
هذا زمان العولمة
اللي دار هذا
انديرو أنا
مشا زمان الهمة والشان
ومشات يامو
ياحسرة
ليست هناك تعليقات:
إرسال تعليق