شْكُونْ كان يقولْ ؟ - زجل -
 |
الشاعرة أسماء بنكيران
|
شْكُونْ كان يقولْ ؟
العروسة بينْ اربَعْ سوارْ
الخدودْ حَمرا
والوجه بلاّرْ
مْحَنِيَة بالزليج البْلدي
ومْحَزْمَة بالوردْ والنُوارْ
منْ فوقْ الْعَمَّارِيَة يخطفوها
فـيـن البــاب زفزوفيــة ؟
عــود خيـزران
ف قــاعْ الدّرب مْخنترة
فـيـن الْخَـصَّة مْعَنْڭْـرَة ؟
فْ بـوزْ الـدّارْ
شلالْ طـالْعْ فْ السْمـَـا
فـيـن السقـاية ؟
عـايمة مَــا
أنـا وْخوتي
نْسقـيوْ بِيه الحبقْ
وْتشربْ منُّو الحمـامَة
فـينْ الدّاليـة .؟
مولاتي خضرة
فْ جناب الجْردة
غصانْها منشورة
فـينْ اليـاسمينة باللـيلْ
والنسيم العلـيلْ .؟
ريحْتهـا ڭـاصْـرَة
فـينْ مّـــي .؟
وْفـينْ بّـــا .؟
لـوحـة جمـيـلة
عْلى جْـدعْ شـجْرة
رْسْـمتهــا
تــمْــحــاتْ
تــمْــحــاتْ
تــمْــحــاتْ
وْبــقــاتْ
مُـجــرّد
ذكــريــاتْ
ليست هناك تعليقات:
إرسال تعليق