قصيدة : عَرصَـةْ الزِيتـونْ - شعر أسماء بنكيران

قصيدة : عَرصَـةْ الزِيتـونْ

الشاعرة أسماء بنكيران

نْهارْ تْجيني

هَذاكْ نْهارْ السَّعْدْ

نْقَطَّر مُومُّو دْ عَينِيا وَرْدْ

وْنْفَرْشو لكْ فْ لاَرضْ

وْنقولكْ : زْطَمْ

هَاكْ قَطْرة ... مَنْ دَمِّي

زيدْ ليها قَطْرة مَنْ دَمَّكْ

وْديرْني شَهْدَة… في فَمَّكْ

تبْنَّن نِّي

حَلِّي بِيَّا... بِيَّا حَلِّي

يَمكن غَدَّا تْوَلِّي

لْعرصَةْ الزِيتونْ

وْتَنعَسْ

فْ دَاكْ الشُّونْ .... اللِّي سْطَّاكْ

يَمكنْ

نباتْ حْداكْ

نعاودْ ليكْ... خُرَايْفَهْ

وإيْلا شفْتِ 

نْظَرْتي... تالْفَهْ

عْرَفها فيك ْ 

ومن فراقك ْ ...

هِيَّ خايْفَهْ !!