ذاكرين فلسطين التاريخية
 |
| د.مهدي ابو شهلا |
من يعرفها من جيل الثمانينات
ذاكرين إجازة المدارس
كنا نعمل بالزراعة من نحل عوز
كنا نروح كيس الخضروات يوميا
كنا نكسي حالنا طول السنة
ذاكرين المخيمات الصيفيه بالمجدل
ذاكرين حاجز ايرز .
 |
خليلي يا عنب...
|
ايام فوز الليكود ينشال المحسوم
ايام فوز حزب العمال يرجع الحاجز
كنا ندخل إسرائيل بالهويه
واحيانا بدون هوية
ذاكرين مطار اللد واللاسية باسيه
كان مكتوب فية الاسم وصورتك
بلا وطن بلا جنسية ونطلع ونرجع
من مطار اللد
ذاكرين مدينه المجدل واسدود
ذاكرين يبنا وملبس وتل أبيب
ذاكرين نتانيا ونهاريا وحيفا
ذاكرين طبريا والجليل والخليل
ذاكرين رام الله ونابلس والخليل والسبع
وقلقيليه وطولكرم وجنين
عمركم اكلتم الجبنه النابلسيه والكنافة
ذاكرين عنب الخليل وتين الخليل
ذاكرين الزبيب والقطين باكياس الخيش
طيب ذاكرين أحذية الخليل
طيب ذاكرين الصابون النابلسي
طيب ذاكرين القدس الصخرة والاقصى
ذاكرين ام الفحم عارة وعررة
ذاكرين اريحا والخضيرة وطوباس
ذاكرين جبال نابلس وجنين والخليل
ذاكرين سهول ووديان فلسطين
ذاكرين بانياس والبحر الميت وعين جدي
ذاكرين ايلات
ذاكرين كيف كنا وكيف صرنا
ذاكرين بحر غزة وسوقها كيف كانوا
ذاكرين الكهرباء والمية
ذاكرين الزعتر والزيت والزيتون
ذاكرين حلويات العكر وجعفر
ذاكرين زيت وزعتر
ذاكرين محلات القدس العتيقة وناسها
واهلها وكعكها وبيضها وحلوياتها
عارف جيل بكاملة مابعرف شى عن
فلسطين
ذاكرين علم فلسطين
ذاكرين السلام الوطني
ذاكرين اغنيه موطني
عارف انكم مش ذاكرين ومش عارفين عشان
هما بدهم جيل مش ذاكر ولا بعرف فلسطين بس بالسمع والكتب مذكورين
عارف انكم مش عارفين بدون مستقبل ولا
مليم
والله عارف انسيتوا فلسطين بدكم
تهاجروا لبلاد الكفار وتهجوا من المسلمين
عارف انكم تعبنين بلا بنزين وكهرباء
وغاز وبدون مصروف عايشين
عارف والله بيوت مافيها كيس طحين
ولا مليم
عارف انكم عل مصطبة قاعدين وسارحين مش
مفكرين
عارف أسمى امانيكم هجرة بلاد المسلمين
عارف والله مابدكم تسمعوا أبو طلحة
ابو شلحة وأبو قميص نوم ومشوبين
عارف نفسكم بشغل وبيت واولاد
ومصروف بالشمال واليمين
عارف والله انكم جيل ضايعين بلا مستقبل
أو حنين
عارف انكم مابتحبوا تسمعوا أبو صهيب
ابو انس ابو اسلام و كل الكذابين
عارف انكم عارفين انهم كذابين
بقلم د.مهدي ابو شهلا
ليست هناك تعليقات:
إرسال تعليق